iPad နဲ့ MacBook တွေအတွက် OLED Display ထုတ်ပေးမယ့် LG

Apple ဟာ လက်ရှိအချိန်မှာ iPad နဲ့ MacBook တွေမှာ LCD Display တွေအပြင် mini-LED Display တွေကိုပါ အသုံးပြုနေပြီဖြစ်ပါတယ်။ အခုနောက်ဆုံးသိရတဲ့သတင်းတွေအရ Apple ဟာ iPad နဲ့ MacBook တွေအတွက် OLED Display ကို ပြောင်းလဲအသုံးပြုဖို့ရှိနေပြီဖြစ်ပါတယ်။

အခုသတင်းအရ iPad နဲ့ MacBook တွေအတွက် OLED Display ကို LG ကနေ ထုတ်လုပ်ပေးသွားမှာဖြစ်တယ်လို့ သိရပါတယ်။ ဒါပေမယ့်လည်း Apple ဟာ လာမယ့် ၂၀၂၄ ခုနှစ်လောက်မှပဲ iPad အတွက် OLED Display ကို အစောဆုံးစတင်ပြောင်းလဲသွားမှာဖြစ်တယ်လို့ သိရပါတယ်။ တကယ်လို့ iPad မှာ OLED Display အသုံးပြုမှုအောင်မြင်တယ်ဆိုမှ MacBook အတွက် ၂၀၂၅ ခုနှစ်နောက်ပိုင်းမှာ OLED Display ကို ပြောင်းလဲအသုံးပြုသွားမှာဖြစ်ပါတယ်။

လက်ရှိအချိန်မှာ Apple ရဲ့ mini-LED နည်းပညာကိုအသုံးပြုထားတဲ့ iPad 12.9″ နဲ့ MacBook Pro 14-inch ၊ 16-inch တွေဟာလည်း Display ပိုင်းမှာ ချီးကျူးမှုတွေခံနေရတာကြောင့် OLED Display ကို ပြောင်းသုံးလာမယ်ဆိုရင် ဘယ်လိုဖြစ်လာဦးမလဲဆိုတာ စိဝင်စားစရာပါ။